美酒佳餚巡禮:2018 Wine and Dine 十周年注目焦點!新園區 + 每晚特色音樂表演

2018 美酒佳餚巡禮早前就係中環海濱圓滿舉行,大家有冇約埋朋友一齊去飲飽食醉 chill 返晚呢~適逢十周年,Wine and Dine 嘅規模就比以往大咗一成,全場總共有 450 個美酒美食攤位咁多!仲新增咗「桃紅酒花園」、「咖啡園」、「環球街頭小食專區」三個區域!而家就等小編同大家報告下當晚有咩好飲好食,未去過或者今年去唔到嘅朋友好快啲參考下,為 2019 Wine and Dine 做定準備!

 
wine-and-dine.jpg
wine-and-dine_2.jpg

▲ 喂人少少醒下你,入場最好就揀夜晚,因為啲裝飾同燈牌亮哂燈氣氛會好好多!同埋記得星期六日晚要預多少少時間排隊買飛,千祈千祈千祈唔好好似小編咁因為排隊所以錯過咗表演時間……

 

十週年新玩意:咖啡園 + 烘焙甜品店 + Mickey’s Kitchen

 
wine-and-dine_3.jpg

▲ 今年新增嘅園區 — 咖啡園,位置就喺正門,一入場就聞到陣陣咖啡香~

wine-and-dine_4.jpg

▲ 呢度間間都係城中著名嘅咖啡店,連陳豪嘅自家咖啡品牌都有玩埋一份!好彩嘅話仲有機會飲到陳豪親手嘅沖咖啡!這些機會……

▲ 今年首次現身嘅「Mickey’s Kitchen」,一邊賣迪士尼自製嘅食物,一邊賣迪士尼精品。

▲ 其中一款自家製嘅「迪士尼魔法點心」就有三眼仔菜肉包、木乃伊素菜包,米奇煎薄餅同餐包。造型係幾 cute 幾啱打卡,但120 蚊小編就覺得貴咗少少。

 

兩大美食區:食飽里 + 環球小食專區

 

▲ 今年一樣有美食區「食飽里」,呢度 18 間進駐嘅餐廳全部都係香港人氣熱門,但價錢當然都有返咁上下,平均一份都要 $50 - $60。

wine-and-dine_9.jpg

▲ 再行入啲睇睇,喺酒檔同酒檔之間都有唔同嘅小食攤位,飲飲下口痕都可以即刻買野食!

wine-and-dine_10.jpg

▲ 呢邊主要都係啲美食節成日都會見到嘅食物,例如燒一口牛、帆立貝、蜜糖炒豬手等等,小編建議一心黎覓食嘅朋友都係留肚食其他特色小食~

▲ 特色小食可以喺今年新增嘅「環球小食專區」搵到!呢度短短一條街已經集合哂中外七個地方嘅地道熱門美食~

▲ 最多人排隊嘅韓國食物~

▲ 德國美食~

wine-and-dine_14.jpg

▲ 黑蚊蚊嘅熱狗,德國腸拼盤配酸菜~

▲ 仲有新加坡米芝蓮推薦嘅街頭美食店:老街坊牛腩麵、天天海南雞飯、五十年代咖啡、超好麵。

wine-and-dine_16.jpg

▲ 再俾多個溫馨提示你地,場入面嘅座位就唔多嘅,所以識嘆嘅一定係帶埋野餐墊坐係草地慢慢食~

▲ Tasting Room 品味館,專食由米芝蓮星級名廚主理嘅晚餐。每年都非常搶手!一定一定一定要快手訂位先有得食!

 

五大酒區:國家及地區展區、氣泡及雞尾酒區、日本酒區、手工啤酒及威士忌區、尊尚名酒區

 
wine-and-dine_18.jpg

▲ 同一國家嘅酒商會集中喺同一個區域,今年仲第一次有法國勃根地、克羅地亞、俄羅斯等地區嘅酒莊參展!

wine-and-dine_19.jpg

▲ 支支都減,叫人點揀~以上大部分都係一個 token 一杯,可以慢慢試啱先買!

wine-and-dine_20.jpg

▲ 少爺啤酒廠:鹹檸啤(左)1842(右),兩個 token 一杯。小編個人就鍾意 1842 多啲,聞落有濃郁花香香氣,入口微苦,回甘重。

wine-and-dine_21.jpg

▲ 紫蘇梅酒 + 南高梅干梅酒,兩個token一杯,每杯都有紫蘇同梅乾,有得飲,有得食!

▲ 威士忌基本上都係兩個 token 起。

▲ 3 個 token 飲到 4 杯酒,抵到爆!現場仲有其他酒 + 食物嘅 combo,啱哂啲目標要用最少 token 試到最多野嘅人!

wine-and-dine_24.jpg

▲ 場內有唔同嘅品酒講堂俾你飲住學野~

 

十週年重點打卡位 + 無間斷音樂表演

 

▲ 我真係恭喜你呀~十週年咁大件事緊係要賀一賀佢啦!今年會場嘅正中央就擺咗個七米高嘅巨型生日蛋糕,裝置每隔一個鐘就會自轉同響起音樂,慶祝大會十週年生日兼配合 Super Time 有獎遊戲。

wine-and-dine_26.jpg

▲ 行多兩步就見到國泰嘅機艙,啱哂小編呢啲港女打卡~除咗贊助 super time 嘅獎品,國泰今次仲帶咗頭等艙嘅酒俾大家試!

wine-and-dine_27.jpg

▲ 行到接近中環出口嘅位置,就會見到呢個主舞台~呢度嘅主舞台同小舞台每晚都有唔同嘅音樂單位輪流演出。週末呢兩晚就有 The Beatles Experience、RubberBand 同 Dear Jane!

wine-and-dine_29.jpg

▲ 小舞台會俾啲獨立音樂人演出。

▲ 管弦樂隊亦都會喺現場周圍走,飲到邊都隨時隨地有音樂聽!

▲ 年年嘅 Wine and Dine 都差唔多係萬聖節呢啲時間搞,好多人會當正係 Halloween party 黎玩!又多個打卡點喇~

 

2018 香港美酒佳餚巡禮

日期:2018 年 10 月 25 - 28 日

地點:中環海濱活動空間及添馬公園

Whoot Limited