不可不知的 5 個煮食貼士

人人都鍾意食嘢,但未必人人都識煮嘢。廚房如戰場,每次煮完嘢食之後,都好似世界大戰完咁。今日就同大家分享下 5 個煮食小貼士,學識之後你會發現原來入廚冇想像中咁難咁麻煩!

1. 點先知道隻蛋有幾新鮮?

首先要預備一盤室溫水,然後將啲蛋放落去。較新鮮嘅蛋會側身打橫沉落底,而比較老嘅蛋就會上下倒轉,較尖個部份向底咁直立喺水底。大家要注意,如果隻蛋浮喺水面,有機會係變壞咗啦!

egg.jpg

2. 有蛋殼碎點算?

打蛋對唔少入廚新手都係一件難事。打蛋時唔小心跌咗啲蛋殼碎落蛋到點算好?千祈唔好拎筷子或者其他餐具去挑,因為咁樣好易整穿個蛋黃!呢個時候可以整濕手指,然後小心地將蛋殼碎逐塊咁拎返出黎。

crack-egg.jpg

3. 牛油果熟未?

近年興起嘅「減肥恩物」牛油果係唔少女士嘅最愛,但點先揀到一隻熟咗又食得嘅牛油果?首先,將牛油果粒果蒂整走,你會見到唔同深淺嘅綠色。顏色愈淺就代表愈生同硬,相反地愈深色就代表愈熟同軟身。

avocado.jpg

4. 喊住切洋蔥?

切洋蔥個陣總係淚流滿臉,鼻水橫飛?以下簡單幾個步驟就可以令你舒舒服服咁切洋蔥啦!首先,將洋蔥雪 5 - 10 分鐘,取出後切去洋蔥頭尾,放入水中浸 10 分鐘,咁樣可以減少刺激物質揮發。 切個陣亦可以將把刀沾濕,最後先將根部切走。

onion-cutting.jpg

5. 薯仔變黑色?

有好多蔬果喺批皮後同空氣接觸會慢慢變色。有冇試過批完薯仔皮之後,放咗一陣佢就變色?只要預備一盤室溫水,批完皮後立即將薯仔放入水中,要煮個陣先拎出黎印乾水份,咁就唔會咁易變啡變黑啦!

potato.jpg
Whoot Limited