愈食愈開心:5 種減壓食品

說話唔可以亂講,野都唔可以亂食!成日以為想開心就一定係食甜野,其實唔一定㗎!高糖食品分分鐘會令你嘅血糖大上大落,造成反效果。 今日我地就一齊睇下 5 種既健康,又可以減壓嘅開心食品啦!

 
20180820_eating-brings-you-happiness_2.jpg
 

1. 香蕉

香蕉含有色胺酸,可以促進血清素轉化,姐係俗稱嘅快樂荷爾蒙,有鎮靜功效。另一方面,香蕉亦都有維他命 B 雜,會令我地嘅神經放鬆,個人冇咁緊張就自然開心啲啦!

2. 牛奶

同香蕉一樣,牛奶都含有色胺酸,轉化血清素後可以幫我地趕走壓力。而牛奶含有嘅鈣質除咗可以鞏固骨骼之外,對我地嘅肌肉都有幫助,可以消除繃緊令肌肉放鬆。

3. 深綠色蔬菜

菠菜同西蘭花都屬於深綠色蔬菜,佢地都含有維他命 B 雜同葉酸,促進新陳代謝之餘又可以令神經放鬆,真係食得健康又開心!

4. 蕃茄

當一個人壓力太大,身體會消耗比平時多 8 倍嘅維他命 C!而蕃茄含有豐富維他命 A 同 C,有助平衡心理壓力,從而達至減壓。

5.  三文魚

三文魚含有豐富奧米加 3(Omega-3),係腦部細胞重要元素之一。除咗對腦部發展有幫助外,亦都可以幫手減壓同調節情緒。
 

Whoot Limited