地道香港味:4 大精選米芝蓮街頭小食

 
 

雞蛋仔

雞蛋仔早在五十年代出現,絕對係唔少香港人嘅集體回憶。一底好食嘅雞蛋仔最緊要係色香味俱全。色澤金黃, 外脆內軟。 以前嘅雞蛋仔只係得一種口味, 但宜家嘅口味已經五花八門!呢間米芝蓮雞蛋仔就有朱古力味同綠茶味雞蛋仔, 絕對係港式街頭小食嘅代表! 


豬腸粉

「混醬多豉油! 」腸粉要好食一定要有嫩滑分明嘅口感, 絕對唔可以糊口! 香軟滑溜的豬腸粉再加埋甜醬、 辣醬、 麻醬同豉油簡直係人間美食! 想香口啲仲可以加炒香嘅芝麻! 

 WikiCantona, CC BY-SA 3.0

WikiCantona, CC BY-SA 3.0


魚蛋

魚蛋亦都係五六十年代興起嘅街頭小食, 絕對係港人最愛嘅街頭小食! 既有鮮味又彈牙, 配埋豉油或者秘製咖哩汁就更加好味!


缽仔糕

傳統缽仔糕主要有黃糖同白糖兩種口味, 加入紅豆後放落瓦缽蒸熟, 因而得名! 蒸熟後用竹籤將缽仔糕挖出, 香軟煙韌嘅口感加上粒粒紅豆, 絕對係解饞嘅不二之選!

Whoot Limited