繼黑糖珍珠鮮奶之後...下一樣大熱嘅唔通就係佢?

 
20180906_brown-sugar-bubble-milk_5.jpg
 

台式飲品登陸香港多年,由最初嘅珍珠奶茶去到宜家愈黎愈多款式,都深受港人熱愛。近期又有唔少台灣過江龍來港開店,令台飲熱潮升溫!而講到今期最紅嘅莫過於係黑糖珍珠鮮奶,就算要花上一個鐘都無阻大家喺炎炎夏日排隊嘅決心。相信唔少台飲愛好者都已經試過呢啲「虎紋」台飲,但你又知唔知下一樣大熱係邊樣?

日本森永杯強勢登台!限量供應!

提到森永,相信大家都會諗起佢嘅牛奶糖,無論係原味定係紅豆味都非常受歡迎。今個夏天,台灣嘅 7-ELEVEN 就同森永聯名合作,推出限量 40 萬杯嘅森永牛奶糖奶茶!珍珠奶茶就飲得多啦,牛奶糖奶茶你又飲過未?唔知香港幾時會有呢?

熱飲凍飲各有特色

雖然係同一款飲品,但係凍飲熱飲竟然有唔同嘅味道!睇返台灣網友嘅評價,唔少人都話熱嘅牛奶糖奶茶比凍嘅牛奶味更濃,而且冇咁甜,所以大家都係根據自己嘅喜好選擇啦。唔知香港嘅 7-ELEVEN 遲啲又會唔會推出呢款森永牛奶糖奶茶呢?相信到時又會掀起另一股熱潮,喺香港嘅朋友就密切期待一下啦!
 

 圖片來源:台灣 7-ELEVEN Facebook 專頁(https://www.facebook.com/711open)

圖片來源:台灣 7-ELEVEN Facebook 專頁(https://www.facebook.com/711open)

Whoot Limited