銅鑼灣.美國菜:香港有個 Las Vegas — 打住卡食大份美式 Fusion 菜

銅鑼灣嘅 Little Vegas,搵開食嘅朋友應該都知道呢間餐廳係呢區嘅出名程度,無論係四年幾前餐廳啱啱開張個陣,定講緊係四年後嘅今日,上到去都仲係一位難求!之所以令到貪新鮮嘅香港人對佢念念不忘,原因好簡單,就係因為環境正,野食有返咁上下水準,仲要 keep 得到囉!就算小編自己都已經回頭食過幾次,而家即刻碌落去睇下佢地有乜特別啦!

裝潢擺設落足心思  全人手砌馬賽克餐檯 + 塗鴉壁畫

要講 Little Vegas 一定唔少得要先講下佢地極有心思嘅裝潢佈置。一入到去,暗暗地嘅環境加埋大大個嘅 Little Vegas 燈牌,仲有七彩嘅霓虹燈泡仔,美式街頭風嘅塗鴉壁畫,真係唔使去拉斯維加斯都感受到個種五光十色不夜城嘅感覺!

全人手砌嘅馬賽克餐檯同可以隨意食嘅糖果杯。顏色咁繽紛,最啱用黎做背景影打卡美食靚相。

美式 Fusion 食物  大份選擇多

原隻波特菇

焗嘅時間控制得啱啱好,蘑菇食落仲係好多汁,夾埋帶鹹香又脆脆地嘅芝士食,隨時一人啪一隻都唔夠喉。


明太子忌廉天使麵

黎 Little Vegas 嘅必試菜式。明太子係明顯睇得見嘅一粒粒,而且份量多,加埋忌廉成個醬汁都好濃郁,帶少少鹹香令人非常開胃。配料仲有一堆雜菇同蟹柳,令每啖意粉口感都更加豐富,又掛到好多汁,惹味!


濃味野喇沙天使麵

成餐最有驚喜嘅一道!喇沙味好香濃,雖然椰奶味就冇乜,但食落都幾順喉。辣度只係微微辣,唔會刺激之餘反而令意粉更加惹味,一檯人好快就KO 完一碟!


命運比薩

食呢個 pizza 就好似老虎機一樣,你拉杆嘅時候永遠唔知會拉到咩組合出黎,而你叫呢個 pizza 嘅時候你同樣唔知佢有咩材料,夠哂刺激!今次 Pizza 嘅用料同醬汁都係一啲常見嘅野,餅底焗得幾脆,不過就有少少太易碎。


秘製醬汁焗豬肋骨

黎美式餐廳當然要食返份豬肋骨先至滿足!秘製醬汁味道調得啱啱好,有甜甜地嘅蜜糖味,中和咗好多時 BBQ 醬都會過鹹同過酸嘅味。肋條肉質軟稔,輕輕一咬己經骨肉分離,啖啖肉。

Little Vegas 食嘢記得要用埋 Whoot! 優惠卷換免費美食/飲品啊!

下載 Whoot! 即送你免費美食優惠卷!


秘密花園水果茶

呢杯水果茶並唔係一杯普通嘅水果茶,而係一杯特特特大杯嘅水果茶,上到檯包你有驚喜!最啱兩個人叫黎 share 慢慢飲。


Rainbow Seven 系列之黃金時代、富士山下(藍)、綠月飛霜(綠)

梳打加雪糕球嘅組合,味道雖然都似係飲緊汽水,但其實飲落冇汽水個種死甜,熱辣辣飲一流。不過重點始終係佢夢幻嘅賣相,加上每一杯都係跟返顏色咁用歌名黎命名,真係 IGable 得黎又好鬼浪漫!


Little Vegas

地址:銅鑼灣耀華街 3 號百樂中心 25 樓

網址:https://app.whoot.com/#/shop?shopId=1

Whoot Limited