銅鑼灣.意大利菜:抵食意菜 set lunch 明火石窯烤手工 Pizza 意式烤雞

喺香港地講起意大利菜,可能好多人第一時間都會諗起酒店級嘅 fine dining,一係就係快餐式嘅 Pizza 同意粉,不過既然係西餐嘅主要菜系,意大利菜嘅層次又點止咁簡單!除咗有米芝蓮級嘅精緻野、有大份夾抵食嘅 pizza,仲有好多 casual 啲嘅家常菜式,當中其實有傳統得黎又唔貴嘅。咁如果想喺香港食返餐比較正式嘅意大利菜,但手上只係得有限嘅 budget,會有咩選擇?

Babbo Trattoria 係由台灣遠道而黎嘅意菜餐廳,菜式由台籍大廚主理,主打意粉同手工 Pizza。要特別一提嘅係,Babbo Trattoria 嘅半開放式廚房入面係有個火山石烤爐,以 400 度以上嘅高溫去整窯烤 Pizza 或者其他肉類嘅菜式,Pizza 經過烤焗之後會外脆內軟,而肉類內部嘅肉汁會被封住,食落係會非常 juicy。

小編今次同同事黎食 lunch,午市套餐嘅主菜款式都幾多,仲會包一碗湯、一碟沙律、一杯野飲,價錢都係由 $70 幾蚊起,如果 tea time 黎會仲平!


辣味番茄蟹肉 Pizza

廚師會喺客人落單之後先將發酵好嘅麵團拉成薄餅底,然後攞去用高溫烤焗,全程手工即製。Pizza 餅底食落就最出色,外圍同餅底微脆,而入面煙煙韌韌,軟熟同時又有咬口。Topping 嘅味道濃郁,蕃茄酸酸甜甜,新鮮開胃。


兩道春雞仔嘅菜式

一道係用高溫窯烤半雞,雞肉烤焗之後非常香口,香草同黑椒味重,切開之後會見到有肉汁流出黎,而當然肉質係仍然保持到嫰滑。另一道慢燉雞肉相對會淡口少少,將蕃茄、蔬菜同雞肉一齊慢燉,肉質出到黎唔算好滑,但口感都幾軟熟,輕輕一咬已經骨肉分離,食個時加少少 rosemary 會令成個菜式味道更香冇咁寡。特製麵包口感唔錯,點埋蕃茄湯好食之餘亦非常飽肚。


海鮮鮮蜆意大利飯

入面嘅海鮮數量係絕對值得一讚,而且蜆都幾新鮮,唔會食到成口沙。意大利飯口感偏硬身,creamy 得黎味道好濃郁,食到最後係會有少少膩嘅,不過整體味道唔錯。


Cocktail / 甜品

用飲食 app Whoot! 換咗一杯 special cocktail,同埋加左份甜品。Cocktail 以士多啤梨為主調,甜度都 OK,唔係藥水味或者好重糖水個種。

Babbo Trattoria 食嘢記得要用埋 Whoot! 優惠卷換免費美食/飲品啊!

下載 Whoot! 即送你免費美食優惠卷!


Babbo Trattoria

地址:銅鑼灣羅素街2-4號二千年廣場5樓

網址:https://app.whoot.com/#/shop?shopId=10

Whoot Limited