Aloha~夏威夷彩虹 Poke Bowl 自選魚生、主食蔬菜、多色配料 健康低卡好睇又好食!

peek-a-poke_blog_1.jpg

夏天為大地帶黎美腿,我諗咁多位絲打都已經開始緊減肥大計。餐餐轉食沙律?食齋?白恰雞肉?不了不了……其實減肥唔一定要食得咁 dry 嘅,想食得低卡又好味,不如試下一碗用料健康,配搭又豐富嘅夏威夷魚生碗 Poke Bowl!

Poke Bowl 係近幾年大熱嘅夏威夷菜式,而 Poke 呢個字係夏威夷文入面係解切粒嘅意思。當地人會將魚肉切成細細粒,然後加上沙律菜或者飯,配埋醬汁之後就撈成一碗乜都有嘅 Poke Bowl,亦即係夏威夷嘅魚生碗。

小編今次去嘅 Peek-A-Poke 就係香港少數專門食夏威夷魚生飯嘅餐廳。

入到舖頭,兩邊牆面都掛住畫上咗幾何圖案嘅木製划槳,充滿夏威夷風情。

除咗牆身,餐廳仲有好多熱帶海島風嘅小裝飾,加上不斷播緊一啲輕鬆嘅外國音樂,感覺直頭去咗夏威夷嘅海邊渡假咁呀!


5 種招牌配搭 + 自選魚生碗

Peek-A Poke 有五款已經組合好嘅 House Bowls,每碗入面嘅魚生、主食、配料同醬汁都唔同,仲有以菇菌做主菜嘅素食碗,想快又唔想諗嘅人揀佢地就最啱!

除左已經配好嘅組合,Peek-A-Poke 仲有得俾大家自己砌一碗啱心水嘅魚生飯出黎!就好似你食車仔麵咁,先揀咗魚生:吞拿魚或三文魚或八爪魚或雜錦香菇,然後揀主食:醋飯或糙飯或者沙律,甚至一半一半都得!最後就揀多三種配料同埋自家製醬汁,自選魚生飯完成!


加州風味 California

呢碗 california poke bowl 相信啱哂大部分香港人嘅口味,壽司醋飯配切粒三文魚,然後加埋嘅青瓜、雞蛋絲、嘅三文魚子,再淋上果仁芝麻醬。顏色夠哂繽紛,味道清新唔會膩,而且材料配搭得好,青瓜爽脆,三文魚子帶鹹香,三文魚新鮮,一啖己經食到幾種口感,層次豐富。


吖嘻先生 Ahisan

有好多扮工嘅朋友仔唔想飯氣攻心恰眼訓,lunch 索性食少少飯就算,咁不如試下呢款吞拿魚 Poke Bowl,一半沙律,一半醋飯,再加上枝豆、香菇、青蔥同山葵乳酪醬,感覺就更加輕盈健康!吞拿魚瘦得黎嫰滑,枝豆同香菇新鮮又爽脆,至於山葵乳酪醬,微酸中帶少少刺激感,同魚生同配料味道都好夾!


自選威基基

配搭好嘅組合固然好味,但自己砌嘅魚生碗就更有趣味!小編今次揀咗三文魚配沙律,配料方面就貪心少少,跟豆腐、蟹肉、青瓜、香菇同三文魚子,配鰹魚昆布汁。最令小編驚喜嘅係豆腐,因為己經預先撈好果仁芝麻醬,所以就算係單食豆腐都好夠味,而沙律菜同鹹少少嘅

鰹魚昆布汁亦都十分夾,咁食沙律就唔驚太寡太悶啦!


炸蕃薯條

即叫即炸嘅蕃薯條,第一啖食落帶少少鹹味同紫菜香,再咬落去就食到軟熟兼帶天然甜味嘅蕃薯肉,加埋咁有份量嘅厚切,口感一流!

Peek-A-Poke 食嘢記得要用埋 Whoot! 優惠卷換免費美食/飲品啊!

下載 Whoot! 即送你免費美食優惠卷!


鮮蟹肉沙律

鮮甜蟹肉配新鮮沙律菜,作為餐前小食,size 啱啱好,重點係蟹籽蟹肉蟹棒幾乎仲多過下面啲菜!

Peek-A-Poke 食嘢記得要用埋 Whoot! 優惠卷換免費美食/飲品啊!

下載 Whoot! 即送你免費美食優惠卷!


菠蘿薑梳

以新鮮嘅菠蘿、薑、梳打炮製而成,薑味會比菠蘿味重少少,甜中帶辣,辣中又帶啲甜,加埋清爽嘅梳打水,味道配搭都幾得意。

Peek-A-Poke 食嘢記得要用埋 Whoot! 優惠卷換免費美食/飲品啊!

下載 Whoot! 即送你免費美食優惠卷!


小編私心推介:必食加州風味、自選威基基、炸蕃薯條


Peek-A-Poke

地址:銅鑼灣希雲街 16 號地舖

網址:https://app.whoot.com/#/shop?shopId=14

Whoot Limited