鬧市放空好去處:尖沙咀草系文青 Cafe 室內小草地野餐歎甜品輕食

喺香港呢個抑鬱城市生活,偶然都要放慢步伐俾自己輕鬆一下,搵間靜靜地嘅 cafe 歎杯咖啡食件cake,或者去訓下草地野下餐,享受短暫放空嘅時光。再試想下,如果係坐住草地歎咖啡,感覺又會唔會更加慵懶, chill 上加 chill?

grassman_01.JPG

位於尖沙咀嘅森林系 Cafe 草民正好將草地同 cafe 兩個周樣咁寫意嘅 idea 結合,為各位身處鬧市嘅香港人提供一個放空抖氣嘅空間。

Cafe 一角有一個木屋設計嘅小平台,入面就鋪咗人造草皮,仲有石頭形狀嘅 cushion 同竹蓆,充滿住濃濃嘅日式自然感。如果遇著陽光充沛嘅日子,光線穿透大玻璃灑落草地,真係幾乎同喺郊外野餐一樣咁愜意。

除咗小平台之外,cafe 嘅窗邊位同樣鋪上咗草皮,另外亦都有少量嘅盆景玻璃檯,就算坐唔到小木屋都一樣可以望住綠油油嘅草球寫意開餐。

草民主打飲品同甜品,主食選擇唔算好多,不過叫做基本種類都有齊。

主食入面最特別嘅應該都非草民車仔飯莫屬,同車仔麵三餸飯一樣玩法,成個飯都可以自己揀,入面包括一份肉,三份配菜、一份五穀飯。每款食材都係健康低脂而又飽肚嘅,輕食一流!


草民車仔飯套餐

小編揀咗阿拉斯加鱈魚柳、烤焗南瓜、法邊豆、番茄同菠菜糙米飯。鱈魚柳成條上,size 冇花冇假係長過一隻手掌!調味方面比較輕手同簡單,突出番魚肉嘅味道,糙米飯就最有驚喜,糙米同菠菜已經預先撈勻同調好味,帶少少蒜香之餘,飯粒亦都好有咬口。成個飯整體嘅感覺好清新,啱哂女仔食!


63 度溫泉蛋卡邦尼意粉

呢一粒溫泉蛋為 carbonara 加哂分,蛋漿撈勻後意粉食落更加 creamy 同滑溜,一吸入口已經有濃濃蛋黃香味,減低咗忌廉嘅飽膩感。而意粉同樣煮得唔錯,軟硬適中。

grassman_08.jpg

爆脆草地滾球

想放鬆心情總係少不了甜品,以綠茶金寶同朱古力脆米砌成草地,朱古力整成滾球,賣相精緻又 Instagramable。用木槌仔敲開朱古力,裏面就係香滑嘅 cheesecake 味 movenpick 雪糕同甜酒啫喱,一個甜品,有凍有熱,又有脆有軟,多重口感!


小山園宇治抹茶戚風蛋糕

抹茶味非常香濃,微苦但啖啖回甘,忌廉亦唔會太甜膩,配埋軟綿嘅戚風蛋糕,口感豐富,抹茶愛好者必試!


香辣單骨雞翼

炸雞翼好難唔好食,但都好少會令人覺得整得好好食,而草民可以話係整得幾出色。單骨食起黎方便之餘,雞翼炸得外脆內滑,一咬開外皮己經爆出雞肉嘅肉汁同油份,加埋辣椒粉調味,簡單但滿足!

草民 Grassman 食嘢記得要用埋 Whoot! 優惠卷換免費美食/飲品啊!

下載 Whoot! 即送你免費美食優惠卷!


小編私心推介:草民車仔飯、香辣單骨雞翼、爆脆草地滾球


草民

地址:尖沙咀厚福街 12 - 12A 號藍馬商業大廈 9 樓

網址:https://app.whoot.com/#/shop?shopId=15

Whoot Limited