2019 母親節:4 間香港精選餐廳 帶媽媽食大餐嘆世界

五月大件事,又到母親節!唔想將母親節變成冇親節,各位死仔包今日要識做呢,除咗記得俾足家用,識揀餐廳同阿媽食餐好都好緊要!Whoot! 編今次就為大家搜羅咗四間價錢貼地而又各有特色嘅餐廳,絕對滿足到唔同類型嘅媽媽,仲唔嗱嗱聲訂位?


帶媽媽「蠔」歎美酒海鮮 — Season Plus

而家好多媽媽仲識歎過啲仔女,如果你媽媽都係講求生活品味嘅一份子,不妨搵間有靚酒飲嘅餐廳一齊歎住過節。Season Plus 主打各款時令海鮮同美酒,生蠔即叫即開,非常鮮甜,另外亦有生或熟嘅海鮮拼盤供應,無論想食龍蝦、鮑魚、扇貝定其他海鮮都應有盡有。就算唔食生野,Season Plus 亦有一系列熟海鮮同西餐菜式及套餐供應,食得咁「蠔」一定滿足到各位媽媽!

地址:尖沙咀山林道52號環海大廈一期地下A及E舖 / 旺角彌敦道733號振宜大廈地庫

網址:https://app.whoot.com/#/shop?shopId=31 (尖沙咀)/ https://app.whoot.com/#/shop?shopId=30 (旺角)


一家四口齊嘆意式九道菜套餐 — 119 Italio Restaurant and Bar

大時大節一家幾口出街食飯,套餐唔單止抵食,更加省卻咗好多揀餸嘅麻煩。呢間位於太子嘅意式西餐廳就特別為母親節推出咗九道菜嘅四人套餐,前菜包括三款充滿意式風味嘅小食,而主菜則足足有五款咁多,包括海鮮意大利飯、香草蜆意粉、檸檬燒雞、脆皮乳豬及美國Prime級西冷扒,最後當然唔少得甜品。套餐人均約 HK$300 已經一次過試勻哂餐廳嘅招牌菜式,相信精明至上嘅媽媽一定非常滿意。

地址:太子基隆街119號地舖

網址:https://app.whoot.com/#/shop?shopId=19


嘴刁媽媽至愛 — 塩玉居酒屋

有唔少媽媽都鍾情日本菜,嘴刁程度絕對拍得住後生仔。如果係咁,位於銅鑼灣嘅塩玉居酒屋相信就啱哂你同媽媽!塩玉以「鹽」為題,曾於日本學師嘅大廚喺日本揀選咗多款味道獨特同品質上乘嘅鹽,以配搭唔同嘅菜式。除咗單點之外,塩玉同樣有廚師發辦可以選擇,所用嘅刺身每日新鮮空運到港,質素絕對上乘但價就好平易近人。

地址:銅鑼灣登龍街28號永光中心10樓

網址:https://app.whoot.com/#/shop?shopId=4

shiotama_1.jpg
shiotama-2.jpg

最窩心 sweet sweet 之選 — 小糖鈕

正所謂女人食甜品有第二個胃,就連阿媽都唔例外!食完豐富嘅正餐,最好就帶老媽子去食埋甜品,為母親節留低 sweet sweet 嘅美好回憶。小糖鈕由兩位前文華餅房嘅大廚聯手主理,供應一系列精緻又滋味嘅甜品,款款都創意十足,無論係外型定質素都同樣拍得住星級酒店,咁有心思,各位媽媽一定食到甜入心!

地址:尖沙咀堪富利士道6-6A號3樓

網址:https://app.whoot.com/#/shop?shopId=46

IMG_4807.jpg
IMG_7719.jpg
Whoot Limited