懷舊風舊香港場景食刁鑽靚牛火鍋 封門柳、滑尾龍你又食過未?

好多香港人有鋪邊爐癮,要圍爐淥一淥,最唔少得嘅一定就係牛肉。不過次次都係淥肥牛真係有啲悶,不如試下其他花款啦!開勻全港九龍新界嘅 616 牛肉火鍋專門店主打本地手切靚牛,最特別嘅莫過於有廿幾款刁鑽嘅牛肉部位供應,大家可以一次過試勻成隻牛由頭到腳嘅唔同部位!

彷舊復古裝修 懷舊香港味滿瀉

616_1.JPG

616 火鍋店用懷舊老香港做主題,全港九新界有多間分店,間間都有唔同嘅復古場景。

位於黃埔 A 出口附近嘅 616 七桌子就用番紅磡舊區為題,一面牆身係由馬賽克砌成嘅舊區風情畫,重現以前飛機飛越唐樓嘅場景,而另一埲牆就係彷九龍皇帝曾灶財嘅墨寶。

廿五個刁鑽牛肉部位 由頭食到落腳

餐廳用平板點餐,有大約 25 個牛肉部位可以揀,有某啲部位係限量供應賣完就冇,想食要趁早!餐檯紙亦都有清楚標明各個牛肉部位淥嘅時間,跟住指示做就食到最 perfect 嘅肉!

雖然主打刁鑽部位,但呢度嘅價錢係非常合理同抵食,牛肉定價 $48 同 $68 一碟。每碟嘅份量雖然唔多,但就可以試多幾個唔同部位。其他配料嘅選擇唔及一般邊爐咁豐富,但基本野就絕對有齊。


花雕卜卜蜆湯底

一上檯已經聞到陣陣好香嘅酒味。蜆已經吐乾淨哂沙,數量多而且夠新鮮,湯底吸收哂蜆肉精華,第一啖飲落鹹鮮味重,之後越食越辣幾過癮。等食哂啲蜆之後就可以加水打邊爐,一煲兩食夠哂爽!


肩胛翼、封門柳

肩胛翼即係牛肩胛嘅肉,肉質嘅軟嫰度同肉味適中,啱大部份人嘅口味;而封門柳就係牛牛橫膈膜下面嘅肌肉,食落肉味超濃郁,而且肉質比較軟腍,係咁多款牛肉入面最為突出!


內裙肉、五花趾

內裙肉係牛牛前胸橫隔膜嘅肌肉,筋腱紋路明顯,肉質比較爽口;而五花趾係牛後腿嘅肌腱,油脂比較較多,入口軟嫰。

616 七桌子 食嘢記得要用埋 Whoot! 優惠卷換免費美食/飲品啊!

下載 Whoot! 即送你免費美食優惠卷!

616_8.JPG

金花趾

即係我地成日聽到嘅金錢展,牛前腿嘅肌肉,亦都係店員誠意推介嘅部位。金花趾嘅油花唔算太多,食落雖然油香較淡,肉味適中,不過在肉質實淨,口感彈牙好有咬口,啱哂啲鐘意𡁻野嘅朋友。


牛駝峰

牛頸對落位置,接近牛背部位嘅肉,帶少少油脂同筋腱,口感軟腍,牛味都算重,鐘意牛香味嘅朋友記得一試。


滑尾龍

牛後腿近臀部位嘅肉,本身肉味唔濃,口感亦都較瘦較韌,似一般食開嘅滑牛,所以 616 就配多咗粒生蛋,淥之前先將肉同生蛋撈勻,牛肉淥完就會更加滑溜。不過滑尾龍同花雕蜆湯底嘅味道比較衝撞,店員建議如果想食滑尾龍就最好叫返其他湯底,或者留到最後先淥。

616 七桌子 食嘢記得要用埋 Whoot! 優惠卷換免費美食/飲品啊!

下載 Whoot! 即送你免費美食優惠卷!


牛舌、手打牛滑

薄切牛舌,淥一淥已經食得,食落爽口兼多汁;手打牛滑,口感比山竹牛肉更扎實更有咬口,味道就似食緊新鮮牛丸。


烏梅汁、玫瑰洛神花茶、菊花桂圓露

怕打邊爐太熱氣嘅朋友仔可以叫返支自家製涼茶,飲落唔會太甜,清熱降火。

616 七桌子 食嘢記得要用埋 Whoot! 優惠卷換免費美食/飲品啊!

下載 Whoot! 即送你免費美食優惠卷!


多款醬料

打邊爐當然唔少得要混下醬啦,616 除咗有蒜蓉、沙茶醬、辣椒呢類基本野,最特別嘅仲係有青檸、牛味豉油同牛肉汁,淥完牛肉點一點,牛味仲唔即時 double up!


另外值得一提嘅係,落完單之後店員會送上一個沙漏,保證 20 分鐘出齊首輪 order,如果真係出唔哂,咁 20 分鐘後先上嘅食物會全部免費,大家不妨叫多啲試下挑戰佢地!

小編私心推介:封門柳、金花趾、牛駝峰、牛舌


616 七桌子

地址:紅磡民泰街27-47號黃埔新邨J,K,L座地下B2號舖

網址:https://app.whoot.com/#/shop?shopId=22

Whoot Limited